Дәстүрлі тамыз кеңесі өтті

Қызылорда қаласында облыс әкімі Гүлшара Әбдіқалықованың қатысуымен «Білімді Ұлт – тұрақты даму кепілі» атты педагогтардың дәстүрлі тамыз кеңесі өтті.

Дәстүрлі тамыз кеңесіне эпидемиологиялық ахуалдың күрделігіне байланысты аудан әкімі Нұртай Қайрат Ырзақұлұлы және аудандық білім бөлімі басшысының уақытша міндетін атқарушы Дүйсембаева Гүлзия Қарманқызы бастаған аудан ұстаздары қашықтықтан онлайн форматында қатысты.

Кездесуден кейін аудан әкімі Қайрат Ырзақұлұлы білім саласының қызметкерлерін жаңа оқу жылымен құттықтап ізгі лебізін білдірді.

Қабылдау соңында білім саласында жоғары жетістіктерге қол жеткізіп жүрген үздік қызметкерлер марапатталды.

Атап айтқанда, «Білім беру ісінің құрметті қызметкері» төсбелгісі №80 мектеп –гимназиясының мұғалімі С. Ниязов пен №26 орта мектебінің директоры М. Ерғалиеваға, Қазақстан Республикасы Білім және ғылым министрлігінің «Құрмет грамотасы» №275 орта мектебінің мұғалімі Д. Жалғасбаева, №277 мектеп-лицей мұғалімі Р. Жұбатқановаға , Т. Көмекбаев атындағы №250 мектеп-лицей мұғалімі Э. Абатоваға Қазақстан Республикасы Білім және ғылым министрлігінің «Алғыс хаты» аудандық білім бөлімінің әдістемелік кабинетінің меңгерушісі Ш. Наукебаеваға, Т. Көмекбаев атындағы №250 мектеп-лицей директорының оқу ісі жөніндегі орынбасары А. Еспенбетоваға, №107 орта мектеп директоры Б. Нұрмановқа, №274 орта мектеп директорының бейінді – бағдарлы оқыту жөніндегі орынбасары Т. Еспановаға, №21 «Тоғжан» бөбекжай А. Күзенбаеваға, №277 мектеп-лицейінің мұғалімі Г. Абдикалиеваға, №121 орта мектеп директорының бастауыш сыныптар жөніндегі орынбасары С. Ермановаға табысталды.