Дәстүрлі тамыз кеңесі өтті

Жаңа оқу жылының басталуына санаулы күн қалды. Жыл сайын тамыз айының соңғы аптасында педагог қауымдар бас қосып, өткен оқу жылын қорытындылап, жаңа оқу жылындағы жаңалықтар пен дайындықтары пысықталады. Осы орайда жақында аудандық мәдениет үйінде «Білім және ғылым: келешекке кемел біліммен» тақырыбындағы дәстүрлі тамыз кеңесі өтті.Алғашқы сөзді аудан әкімінің міндетін атқарушы Әділ Қошалақов алып, педагогтарды жаңа оқу жылының басталуымен құттықтады. Сонымен қатар биылғы білім саласындағы атқарылған бірқатар жұмыстарға тоқталып өтті.

– Осы жылы аудандағы екі мектепке, атап айтар болсақ, О.Шораяқұлы атындағы №30 орта мектеп пен С.Есқараев атындағы №27 орта мектепке күрделі жөндеу жұмысы жүргізілуде. Сонымен қатар Көмекбаев ауылындағы №185 орта мектептегі жылу қазандығын сұйытылған газға ауыстыру аяқталуға жақын. Мұнан өзге жуырда өткен облыстық тамыз кеңесінен ауданға қарасты Байқоңыр қаласындағы №277 мектеп-лицейі «Үздік білім ордасы» номинациямен жеңіп алып, 17 млн теңгенің сертификатын жеңіп алып, аудан мерейін көтерді, – деді аудан әкімінің орынбасары.

Мұнан соң аудандық білім бөлімінің басшысы Жарқын Омаров «Басты нысана – білім сапасын арттыру» тақырыбында баяндама жасады.
Жиын соңында бірқатар ұстаздар маратпатталды. 
 Ақнұр Сағынтай