ҚҰРМЕТТІ ЖЕРЛЕСТЕР!

Сіздерді Ұлыстың ұлы күні – әз Наурыз мерекесімен шын жүректен құттықтаймын!Мемлекет басшымыз Қасым-Жомарт Кемелұлы «Наурыз – ұлтына, дініне қарамастан, барша жұртты ұйыстыратын жалпыұлттық мейрам. Бұл мереке халқымызды береке-бірлік пен ортақ мүддеге жұмылдырады», деген болатын.
Еңсесі биік елдіктің, іргесі сөгілмес бірліктің мерекесінде ұлттық дәстүрлеріміз бен әдет-ғұрыптарымыз жаңғыртылып, жалпыадамзаттық құндылықтар дәріптеліп келеді. Көктемнің шуағымен қатар келген әз Наурыз – бірлік пен берекенің, үміт пен игі бастамалардың бастауы. Қасиетті мереке әр шаңыраққа шаттық пен қуаныш, ырыс пен ынтымақ әкелсін!Ауданымыздың дамуы жолында атқарылып жатқан істер – баршамыздың ортақ еңбегіміздің нәтижесі. Алдағы уақытта да бірлігіміз бекем болып, туған жеріміздің гүлденуіне бірге үлес қоса берейік.Баршаңызға зор денсаулық, бақ-береке, еңбектеріңізге табыс тілеймін. Әр отбасында құт-береке мен татулық орнасын!Әр шаңыраққа Қызыр дарып, Бақ қонсын!
Ұлыс оң болсын! Ақ мол болсын!
Наурыз мейрамы құтты болсын!

Құрметпен,аудан әкімі

Жандос Еркінбек