Құрметті аудан тұрғындары!

Сіздерді бірлік пен берекенің, тоқшылық пен молшылықтың басы көктемнің тамылжыған жайдары күндерімен бірге келген Ұлыстың Ұлы күні – Наурыз мерекесімен шын жүректен құттықтаймын!

Наурыз – жылдың басы, күн мен түннің теңелер шағы. Тамырын тереңнен тартқан осынау мереке – ежелден халқымыздың берекесі мен бірлігіне, татулығы мен ынтымақ-ықыласына арқау болып, шаттық пен қуанышқа кенелткен ұлы мереке.

Ұлыстың Ұлы күнінде адамдар бір-біріне деген өкпе-ренішін ұмытып, кешірімге келіп, татуласқан. Мол дастарқан басында ақжарқын көңілмен жүздесіп, жеті түрлі дәмнен тұратын наурызкөжеден дәм татқан.

Бүгінде ежелгі мейрам біздің жаңар- ған қоғамымызбен үйлесім тауып, Отанымыздағы достық пен келісімді нығайтуда маңызды рөлге ие болды.

Ұлыстың Ұлы күні елдік, бірлік, берекелік сипатымен адамзатты инабаттылыққа, адам- гершілікке, ізгілікке баулиды.

Ұлт рухының биіктігін, тегінің тектілігін, салт-дәстүріміздің салтанатын паш етер Ұлыстың Ұлы күні шаңырақтарыңызға қуаныш-шаттығымен, бақ-берекесімен келсін!

Жақсылықтың жаршысы, жаңа жылдың бастауы, қасиетті бабаларымыздың ақ батасы мен өнегелі дәстүрдің көрінісі көктем мейрамы – Әз Наурыз баршаңызға ырыс-несібе әкелсін!

Әр шаңыраққа Қызыр дарып,

Бақ қонсын! Ұлыс оң болсын! Ақ мол болсын!