Баршаңызды Көрісу күнімен шын жүректен құттықтаймын! Бұл – елдің ырыс-ынтымағын арттыратын айрықша мейрам.

Адамдар бұл күні арасындағы бұрынғы өкпе-ренішін кешіріп, араздықты ұмытып, бір-біріне амандық-саулық тілейді.

Көктемге аман-есен жеттік деп, дастархан жайып, үлкендерге сәлем беріп, құттықтап жатады.

Мемлекет басшысы «Тәуелсіздік бәрінен қымбат» атты мақаласында Наурыз мейрамының мазмұнын одан әрі байыту керектігін айтқан еді.

Осы ретте, ұлттық құндылықтарымыз бен дәстүрлерімізді жаңғыртудың маңызы өте зор.

Ендеше ұлыстың ұлы күні Наурыз мерекесі қарсаңында аудан тұрғындарына тілерім береке-бірлігіміз артып,

әр отбасына амандық,еңбектеріңізге зор табыстар тілеймін!

Еліміз аман, жұртымыз тыныш болсын!