Аудан әкімінің Тұңғыш Президент күнімен құттықтауы

Баршаңызды 1 желтоқсан - Қазақстан Республикасының Тұңғыш Президенті күні мерекесімен шын жүректен құттықтаймын!

Елбасымыздың бірлік идеясы қоғам дамуында саяси тұрақтылықты қамтамасыз етіп, Тәуелсіз жас мемлекетіміздің туы тұғырлы, іргесі бекем елдердің қатарында бейбіт өмір сүруде.

Жаңа тәуелсіз мемлекеттің іргетасын қалаушы Нұрсұлтан Әбішұлы Назарбаев – барлық Қазақстандықтар және халықаралық қоғамдастық мойындаған ғаламдық бастамалардың бастаушысы, елді кемел келешекке жетелейтін игі істердің қолдаушысы.

Қазақстанның заманға лайық жаңа астанасын салу идеясы Қазақстан Республикасының Тұңғыш Президенті Елбасымыз Нұрсұлтан Назарбаевқа тиесілі.

Қазақстанның жаңа Елордасы қысқа мерзім ішінде жалпыұлттық идея мәртебесіне ие болып, жас мемлекеттің тәуелсіздігінің символынаайналды.

Ұлт Көшбасшысының тұрақты және жүйелі негізде атқарған өлшеусіз еңбегінің нәтижесінде Қазақстан серпінді даму жолына түсті, саяси, экономикалық және әлеуметтік салалары қарқынды жаңғыртылуда.

Қымбатты жерлестер!

Қазақстан Республикасының Тұңғыш Президенті күні мерейлі мерекесінде аудан тұрғындарына мықты денсаулық, әрбір отбасына бақ-береке және еліміздің кемел келешегін нығайтудағы еңбектеріңізге табыс тілеймін.

Ел іргесі аман, келешегіміз кемел болсын!