АУДАН ӘКІМІ ҚҰТТЫҚТАЙДЫ

ҚҰРМЕТТІ ҚАРМАҚШЫЛЫҚТАР!
Баршаңызды Тәуелсіз Қазақстанның ордасы - Нұр-Сұлтан қаласы күнімен шын жүректен құттықтаймын!
Уақыт озған сайын Нұр-Сұлтан қаласы күнінің маңыздылығы артып, ол тек елордалықтар ғана емес, бүкіл қазақстандықтардың асыға күтетін мерекесіне айналды.
Сарыарқаның сары белінде, ұлан-байтақ қазақ жерінің қасиетті орталығында мемлекетіміздің жаңа астанасының бой көтеруі - Елбасының қазақ халқына жасаған ерен істерінің, батыл шешімдерінің бірі.
Елордамыз Нұр-Сұлтан қаласы қысқа мерзім ішінде кемел келешекке көз тіккен заманауи қалаға, біздің еліміздің қаржы-экономикалық және мәдени орталығына айналды.
Қазақстанның жас елордасы, бүгінгі Нұр-Сұлтан – қарыштап дамыған мемлекеттің, Мәңгілік Елдің символы.
Қазақ елінің жүрегі мәңгі соғып, бас қаласы одан әрі гүлдене берсін!
Баршаңыздың бүгінгі мерейлі мерекемен құттықтай отырып, зор денсаулық, отбасыларыңызға амандық, елімізге тыныштық пен бақ - береке тілеймін!
Құрметпен, 
Қармақшы ауданының әкімі С. Мақашов