АУДАН ӘКІМІ МАҚАШОВ СҰЛТАН ЫСҚАҚҰЛЫНЫҢ «1-НАУРЫЗ АЛҒЫС АЙТУ КҮНІМЕН» ҚҰТТЫҚТАУЫ
Құрметті аудан тұрғындары!
Қадірлі жерлестер!
- Қазақстан Республикасының Президенті Елбасы Н.Ә.Назарбаевтың Жарлығымен белгіленген Қазақстан халқы Ассамблеясының құрылған күні – «1 наурыз - Алғыс айту күнімен» шын жүректен құттықтаймын!
- Алғыс айту күні – күрделі заманды иық тіресе бірге еңсеріп, қысқа мерзім ішінде еліміздің дамуы жолында аянбай тер төккен барлық азаматтардың бір-біріне құрмет білдіретін күні.
Бұл - тағдыр тәлкегімен Қазақстан жеріне еріксіз қоныс аударған миллиондаған түрлі этностардың құтты қонысына айналған қонақжай қазақ халқына терең тағзым белгісі.
Бұл күннің астарында қазақ халқының бауырмалдығы мен мейірімділігіне ризашылық білдіру жатыр.
Бүгінгі таңда еліміздегі түрлі ұлт өкілдерінің арасындағы адамгершілік қарым-қатынас, қайырымдылық дәстүрлердің жалғасын табуы әлеуметтік ынтымақтастығымыздың өнегелі өлшеміне айналды.
Еліміздегі қалыптасқан ұлттар тұтастығы мен халықтар достығының арқасында бүгінде мемлекетіміздің экономикасы өркендеп, ілгері басып келеді.
Қоғамда тұрақтылық пен тыныштықтың сақталуы елімізде алға өрлеуге зор ықпал етуде.
Қоғамдық келісім мен саяси тұрақтылық – біздің басты байлығымыз. Бұл жетістіктерді бағалау, оны сақтау жолында аянбай еңбек ету әрбір Қазақстан азаматының міндеті болып табылады.
Баршаңызды бүгінгі мерекемен құттықтай ортырып, зор денсаулық, еңбектеріңізге табыс тілеймін.
Бейбіт өмірдің берекесі, халқымыздың ынтымақ-бірлігі арта берсін!
Құрметпен,
Қармақшы ауданының әкімі С.Мақашов
