Әдеби – танымдық кеш

«Сыр еліне сырлы сөз дарытқан Нағима Торманова» атты әдеби-танымдық кеш өткізілді. Кеш барысында Сыр өңірінің перзенті, журналист, ақын, кітапхана саласының ардагері Нағима Торманованың өмір жолы мен шығармашылығы кеңінен насихатталды.

Кеште ақынның «Иіркөлім – інжуім», «Дариға дәурен», «Ақ бесігім», «Құба тал», «Жылдар, жылдар» атты кітаптары мен «Сырдария» топтамасына енген өлеңдері таныстырылды.

Әдеби кеш барысында №79 негізгі мектеп оқушылары ақынның жүрекке жетер жырларын мәнерлеп оқып, туған жерге, елге деген сүйіспеншілікті өлең арқылы сезінді. Оқушылардың әдебиетке деген қызығушылығын арттырып, рухани тәрбиенің маңызын тағы бір мәрте айқындай түсті.

Сыр еліне сырлы сөз сыйлаған қаламгердің шығармашылығы – кейінгі ұрпаққа өнеге, рухани қазына!