Өнер ұясына тағзым: «Шабыт пен шеберлік» кеші өтті

«Адал азамат – біртұтас тәрбие» бағдарламасы аясында Т. Салқынбайұлы атындағы Өнер мектебінде «Шабыт пен шеберлік» атты концерттік бағдарлама өтті. Іс -шарада қара шаңырақтың мақтанышына айналған түлектеріміз өз өнер ордасына қайта оралды.

Бір кездері киелі сахнада алғашқы қадамын жасаған жас таланттар бүгінде кәсіби шеберліктерін паш етіп, көрерменге рухани ләззат сыйлады.

Кештің қонақтары — білім бөлімінің басшысы Берік Съездұлы, аудандық жастар денсаулық орталығының психологы Кетебаева Әмина өнерпаздардың шығармашылығына жоғары баға беріп, түлектерді арнайы Алғыс хаттармен марапаттады.

Бұл кеш — өнер мен өнеге тоғысқан, адалдық пен еңбек дәріптелген нағыз шабыт мекеніне айналды.