Мәдениеттің өзегі – өнер

Мемлекетіміздің іргесін бекемдейтін, рухани діңгегіне нәр беретін мәдени дүниетанымдық бағдарлама ол – «Болашаққа бағдар: рухани жаңғыру». Жаңғырудың ең басты шарты – ұлттық құндылықты сақтай білу. Ал ұлттық құндылығымызды бәріміз жақсы білеміз және бағалаймыз. Ұлттық мәдениет пен төл өнерді саф алтындай сақтап, заман ағымына сай мәдениетіміз бен өнерімізді қайта түлетіп, мәйегін бұзбай жас жеткіншектерге үйретуді шығармашыл қауым өкілдері мен өнер ұжымдарының еншілеп отырғаны үлкен мәртебе.

Осынау рухани жаңғыруға үлес қосқан ауданымыздағы мәдениеттің қара шаңырағы Т.Салқынбайұлы атындагы өнер мектебі. Іргетасы 1972 жылы қаланған бұл өнер ордасы осыншама жылдар ішінде көптеген өнерлі шәкірттерді тәрбиелеп, әсем әуен нәрімен сусындатқан. Жаңа жылдың алғашқы айында мектебімізге «Өнер мектебі» аты беріліп, өрісіміз кеңеюде. Мәдениеттің өзекті бөлігі – өнер. Баланың ішкі дүниетанымын кеңейтуге, әдемі әуен мен әсерлі әуез үйретуде өнер мектебі ұстаздары жалықпай еңбек ете береді.