ТҰРҒЫНДАРДЫҢ ӨТІНІШТЕРІ БАСТЫ НАЗАРДА
Аудан бойынша мал шаруашылығы саласын дамыту мақсатында Қармақшы ауылдық округінде «Қожатай» су тоспасы бөгелуде.
Бөгеу жұмыстарының барысымен аудан әкімі Жандос Еркінбек арнайы барып танысып, мал шаруашылығымен айналысып жүрген тұрғындармен кездесіп, ұсыныс-пікірлерін тыңдады.
Сонымен қатар «Қожатай» су реттегіш тоспасының құрылысын салу мәселесі пысықталып, сала мамандарына нақты тапсырмалар берілді.
Қараөзек арнасындағы «Қожатай» су тоспасын қалпына келтіру арқылы аймақта орналасқан Досымкөл, Қызылкөл, Жайынкөл, Тасқын, Кетебай-Масақ, Қаракөл-1, Қаракөл-2 және тағы да басқа көлдерді сумен толтырып, балық шаруашылығын өркендетуге қол жеткізіледі, қолайлы экологиялық жағдай қалыптасады.
Бұл аумақтағы мал шаруашылығы саласының дамуының негізгі бағыттарын ет, шұбат және қымыз өндіру жұмысына арнаған тиімді болмақ.
Қармақшы ауданы әкімінің баспасөз қызметі
