ҚАРАӨЗЕК АРНАСЫНА МОНИТОРИНГ ЖҰМЫСТАРЫ ЖҮРГІЗІЛДІ
Бүгін аудан әкімінің тапсырмасына сәйкес, аудан әкімінің орынбасары Әнуар Айдын тиісті сала қызметкерлерімен бірге су тасқынының алдын алу мақсатында «Қараөзек» арнасына мониторинг жұмыстарын жүргізді.
Сонымен қатар, «Қожатай» су тоспасы арқылы «Жұмағұл» каналымен «Қаракөл» көліне су жеткізу және жоғарыдан келген суды тиімді пайдалану мәселесі бойынша сала мамандарына нақты тапсырмалар берілді. Ол күнделікті мониторинг жұмыстарын жүргізіп, бақылауды күшейту қажеттігін тапсырды.
Осы орайда, барша аудан тұрғындары мен Сырдария өзені және Қараөзек арнасы бойында мал шаруашылығымен айналысатын кәсіпкерлерге қыс-көктем мезгілдерінде су тасқыны қаупі кезінде жайылымдағы ауыл шаруашылығы жануарларын қауіпсіз жерге көшіру қажеттігін ескертеміз.
