Сырдария өзені бойындағы қорғаныс бөгеттеріне мониторинг жүргізілді
Аудан әкімінің тапсырмасымен, Қармақшы ауданы әкімінің орынбасары Әнуар Айдын Серікұлы, «Кармақшысушар» өндірістік учаскесінің басшысы Ұзақов Шохан Әмірханұлы, аудан әкімі аппаратының бөлім басшысы Бисембаев Дәуіржан Шыназбекұлы және тиісті сала қызметкерлері аудан аумағынан өтетін Сырдария өзенінің жағдайымен танысып, алдағы қыс-көктем мезгілдерінде ықтимал су тасқынының алдын алу бойынша тиісті жұмыстарды талқылап, қорғаныс бөгеттерінің жай-күйіне мониторинг жұмыстарын жүргізді.
Сонымен қатар, қауіпті аймақтарда орналасқан Жосалы кенті, Жаңажол, Қармақшы, Иіркөл ауылдық округі әкімдеріне су тасқынына қарсы бірінші кезекте пайдаланылатын инертті материалдар қорын толықтыру жөнінде және Сырдария өзені мен Қараөзек арнасының бойында мал шаруашылығымен айналысып отырған аудан тұрғындарына су тасқыны кезінде қауіпсіздік шараларын сақтау жөнінде түсіндірме жұмыстарын жүргізу тапсырылды.
