Аудан әкімі Сырдария өзені бойындағы қорғаныс бөгеттеріне бақылау жұмыстарын жүргізді

qarmaqshy-tany.kz 2023 жылдың наурыз айынан бастап облыс аумағында сең жүру қозғалысы басталды. Бүгінгі күнмен өзен бойындағы сең Жалағаш ауданы аумағында жүруде.

Ағымдағы жылдың 6 наурыз күні Қармақшы ауданының әкімі Еркінбек Жандос ықтимал су тасқынының алдын алу мақсатында Қармақшы ауданы аумағындағы қауіпті аймақтарда орналасқан елді-мекендерге және Сырдария өзені бойындағы қорғаныс бөгеттеріне мониторинг жұмыстарын жүргізілді.

Осыған сәйкес аудан әкімі тиісті сала басшыларына өзен бойындағы жағдайды қатаң бақылауға алуды және арнайы бекітілген кестеге сәйкес кезекшілікті тұрақты түрде жүргізуді, сонымен қатар Сырдария өзені және өзен бойындағы қорғаныс бөгеттеріне су тасқыны мерзімі уақытында күнделікті мониторинг жұмыстарын жүргізуді тапсырды.