СЫРДАРИЯ ӨЗЕНІНЕ МОНИТОРИНГ ЖҰМЫСТАРЫ ЖҮРГІЗІЛДІ
Бүгін аудан әкімінің тапсырмасына сәйкес аудан әкімінің орынбасары Айдын Серікұлы тиісті сала мамандарымен бірге аудан аумағынан өтетін Сырдария өзенінің бойында «Күр» жүру кезеңіне орай, ықтимал су тасқынының алдын алу мақсатында мониторинг жұмыстарын жүргізді.
Аудан аумағында Сырдария өзенінің ұзындығы 238 шақырымды құрайды. Бүгінгі күні мұз Жалағаш ауданы шекарасынан есептегенде 143 шақырым төмен «Шошқакөл» учаскесінде ұстасуда.
Осыған орай, аудан әкімінің орынбасары тиісті сала басшыларына өзен бойына «Күр» жүру процесі кезеңінде күнделікті мониторинг жұмыстарын жүргізіп, бақылауды күшейтуді тапсырды.
ҚҰРМЕТТІ ТҰРҒЫНДАР ЖӘНЕ СЫРДАРИЯ ӨЗЕНІ БОЙЫНДАҒЫ МАЛ ШАРУАШЫЛЫҒЫМЕН АЙНАЛЫСУШЫ КӘСІПКЕРЛЕР!
Қыс-көктем мезгілдерінде өзендегі мұз қалыңдауы мен сең жүру кезеңінде жайылымдағы малдың қауіпсіздігін қамтамасыз ету мақсатында оларды қауіпсіз орындарға көшіруді ескертеміз. Қауіпсіздік шараларын сақтауыңыз - сіздің және мал шаруашылығыңыздың амандығының кепілі.
