Берекелі мекеннің болашағы жарқын
qarmaqshy-tany.kz Бүгін аудан әкімі Әділбек Бөрібайұлы жұмыс сапары барысында бөгеу жұмыстары жүргізілген «Қожатай» су тоспасының жәй-күйімен танысты.
Көптен бері шешімін таппай жүрген «Қожатай» бөгетін қайта қалпына келтіру жұмыстары бүгінде толық жүргізіліп, Қармақшы ауылы және Қызылтам стансасы тұрғындары үшін малға жайлы, тіршілікке қолайлы жағдайдың қалыптасуына оң әсерін тигізіп отыр.
Жалпы аудан бойынша биылғы жылы 5 мың гектардан аса жайылымдық пен шабындық жерлермен 24 шаруа қожалығы қамтылмақ.
Бұдан кейін аудан басшысы мал шаруашылығын дамытумен қатар кәсіпкерліктің игілігін көріп отырған «Ауылым - Абыла» шаруа қожалығының төрайымы, жеке кәсіпкер Ш.Күзембаеваның жайылымдық жерімен танысып, шаруашылықтың жай-күйіне қатысты ұсыныс-пікірлерін тыңдады.
Сондай-ақ, аудан әкімі Ә.Ерсұлтанов Жосалы кентінде орналасқан «Сарыөзек» көліне су құю жолымен танысып, тиісті сала мамандарымен алдағы жұмыс барысын пысықтады.
