Ауыл шаруашылығы саласы – аудан экономикасының күре тамыры және оның ішінде мал шаруашылығының маңыздылығы жоғары.

Осы саладағы түйіткілді мәселелерді аудан әкімі Әділбек Ерсұлтанов әрбір елді мекенде мал өсіріп отырған азаматтармен және тиісті сала мамандарымен бірігіп талқылады.

Басқосуда аудан бойынша жайылымдық жерлердің жетіспеушілігі, жем-шөп бағасының қымбаттауы, мал аурулары және салаға берілетін субсидияны алу барысындағы кедергілер сияқты өзекті мәселелердің шешілу жолдары пысықталды.

Жиын соңында аудан әкімі ауыл еңбеккерлерінің мал шаруашылығын дамыту бағытындағы ұсыныс-пікірлерін тыңдап, алдағы жұмыстарына табыс тіледі.