Аудандық ардагерлер үйінде аудан әкімі Әділбек Бөрібайұлы ардагерлермен жүздесіп, ауданның тыныс-тіршілігі мен елдегі болып жатқан ахуал жайлы пікір алмасты.
Сондай-ақ, ардагерлерге өңіріміздің өсіп-өркендеуіне қосқан елеулі үлестері мен өлшеусіз еңбектері үшін ризашылығын білдіріп, алғысын жеткізді.
Жиында сөз алған аудандық ардагерлер кеңесінің төрағасы Қаршыға Есдәулетов елдегі жағдайды баяндап, аудан әкімінің алдағы жұмысына сәттілік тіледі. Сонымен қатар, жиынға қатысқан ардагерлер аудан әкіміне қордаланған мәселелер мен ауданды ілгері дамыту бойынша ұсыныс-пікірлерін айтты.
Аудан басшысы Әділбек Ерсұлтанов ардагерлердің талап-тілектерін тыңдай келе, айтылған ұсыныс-пікірлер ескерусіз қалмайтынын және Заң аясында тиісті шешімдер қабылданатынын жеткізіп, жиынды қорытындылады.