Тәжік-ауған соғысы ардагерлеріне құрмет көрсетілді

Қазақстан Республикасы Қарулы күштері әскерінің Тәжікстан-Ауғанстан шекарасынан шығарылғанына 20 жыл толуына орай Отан алдындағы борышын абыроймен атқарған ардагерлерге құрмет көрсетілді.

Іс-шараға аудан әкімінің орынбасары Жандос Еркінбекұлы, облыстық Тәжік-Ауған соғысы ардагерлер кеңесінің төрағасы Марат Орынбайұлы, аудандық қорғаныс істері бөлімінің бастығы Рүстем Маматұлы және жауынгер ардагерлер қатысты.

Аудан әкімінің орынбасары Ж.Қойшыбаев Тәжік-Ауған шекарасында басын қатерге тігіп, қайтпас қайсарлықтың, беріспес батылдықтың ерен үлгісін көрсеткен ардагерлерге алғысын білдіріп, олардың ерліктерін жастарға насихаттауды жалғастыра беретінін айтып, әрі қарай аудан әкімінің алғыс хаттарын табыстады.

Сондай-ақ, іс-шара барысында облыстық Тәжік-Ауған соғысы ардагерлер кеңесінің төрағасы М.Орынбайұлы, аудандық қорғаныс істері бөлімінің бастығы Р.Тұрғанов ардагерлерді 20 жылдық мерекелерімен құттықтап, ізгі лебіздерін білдірді.

Іс-шара соңында жауынгер ардагерлер аудан басшылығына ризашылықтарын білдіріп, алдағы жұмыс жоспарлары бойынша ұсыныс-тілектерін жеткізді.