Бүгін аудан басшысы Қайрат Ырзақұлұлы Қармақшы ауданының сот төрағасы Дархан Несіпбайұлын жаңа қызметке құрметпен шығарып салды.

Жиында сөз алған аудан әкімі Дархан Кентбаевты қызметін жоғары кәсіби деңгейде атқарып келе жатқан азамат екенін атап өтіп, ауданда жемісті еңбек еткені үшін алғысын жеткізіп, алдағы жұмыстарына сәттілік тіледі.

Сондай-ақ, ауданның әлеуметтік-экономикалық дамуына қосқан ерекше үлесі үшін ауданымыздың ең жоғарғы наградасы Қармақшы ауданының «Құрмет грамотасын» табыстады.

Аудандық мәслихат хатшысы Әділ Үсенұлы, аудандық ардагерлер кеңесінің төрағасы Қаршыға Есдәулетов Дархан Несіпбайұлын жаңа қызметімен құттықтап, ізгі лебіздерін білдірді. Аудандық сот төрағасы өз кезегінде сөз алып, әріптестеріне және барша аудан тұрғындарына ризашылығын білдірді.

Айта кетейік, Кентбаев Дархан Несіпбайұлы Қазақстан Республикасының Президенті Қасым-Жомарт Кемелұлы Тоқаевтың жарлығымен Қызылорда қалалық сотының төрағасы қызметіне тағайындалды.