Жаңа қызметке тағайындалды

Аудан әкімінің өкімімен Қармақшы аудандық қоғамдық даму бөлімінің басшысы лауазымына Шәпи Нұржан Арыстанұлы тағайындалды.

Нұржан Арыстанұлы 1989 жылы Қармақшы ауданы, Жосалы кентінде дүниеге келген. 2010 жылы “Болашақ” университетін мемлекеттік және жергілікті басқару мамандығын тәмамдаған.

Алғаш еңбек жолын 2010 жылы Қармақшы ауданы әкімі аппаратында жастар тәжірибесінен бастаған.

Одан кейінгі жылдары, аудан әкімі аппаратының ұйымдастыру инспекторлық және кадр жұмысы бөлімінің маманы, Төретам кенті әкімі аппаратының жетекші маманы, бас маманы, Қармақшы ауданы әкімі аппаратының ұйымдастыру және инспекторлық жұмыс бөлімінің бас инспекторы қызметін атқарған.

2024 жылдан бастап, бүгінгі күнге дейін аудан әкімі аппаратының ұйымдастыру және инспекторлық жұмыс бөлімінің басшысы лауазымын абыроймен атқарып келді.