Қармақшы ауданы әкімінің 2024 жылғы 31 шілдедегі өкімімен, 1 тамыздан бастап аудан әкімі аппаратының басшысы қызметіне Молдабаев Диас Асылбекұлы тағайындалды.
Диас Асылбекұлы —1983 жылдың 24 сәуірі күні Жосалы кентінде дүниеге келген. 2008 жылы Қорқыт ата атындағы Қызылорда мемлекеттік университетін «Инженер - бағдарламашы» мамандығы, 2024 жылы Болашақ университетін «Мемлекеттік және жергілікті басқару» мамандығы бойынша бітірген.
Алғаш еңбек жолын 2005 жылы Қармақшы ауданы әкімі аппаратында компьютер маманы болып бастаған.

Одан кейінгі жылдары Қармақшы аудандық кәсіпкерлік бөлімінің жетекші маманы, аудандық жұмыспен қамту және әлеуметтік бағдарламалар бөлімінің жетекші маманы, аудан әкімі аппаратының ұйымдастыру-инспекторлық және кадр жұмысы бөлімінің бас маманы, аудан әкімі аппаратының құжаттамалық қамтамасыз ету және бақылау бөлімінің басшысы, аудандық кәсіпкерлік, өнеркәсіп және туризм бөлімінің басшысы, аудан әкімі аппаратының ұйымдастыру және инспекторлық жұмыс бөлімінің бас инспекторы қызметін атқарған.
2017 жылдың 1 маусымнан бастап бүгінгі күнге дейін аудан әкімі аппаратының ұйымдастыру және инспекторлық жұмыс бөлімінің басшысы қызметін абыроймен атқарып келді.