Жаңа басшы тағайындалды
ЖОСАЛЫ, 12 маусым – qarmaqshy-tany.kz Аудан әкімі Мұса Қалдарбековтың өкімімен Ефенов Рустам Сақтағанұлы «Қазақстан Республикасының мемлекеттік қызметі туралы» Қазақстан Республикасының Заңына сәйкес 2020 жылдың маусым айынан бастап «Қармақшы аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі» мемлекеттік мекемесінің басшысы қызметіне тағайындалды.
Ефенов Рустам Сақтағанұлы 1980 жылы Қармақшы ауданы, Жосалы кентінде дүниеге келген. 1997-2003 ж.ж. «Тұран» университетінде «Заңгер» мамандығы бойынша жоғары білім алған.
Алғаш еңбек жолын 2004 - 2006 ж.ж. Қармақшы аудандық бiлiм бөлiмiнiң маманы болып бастаған.
2006 - 2008 ж.ж. - Қармақшы аудандық жұмыспен қамту және әлеуметтік бағдарламалар бөлімінің жетекші маманы;
2008 ж.ж. - Қармақшы аудандық тұрғын-үй коммуналдық шаруашылық, жолаушылар көлігі және автомобиль жолдары бөлімінің бас маманы;
2008 - 2010 ж.ж. - Қармақшы ауданы әкімі аппаратының ұйымдастыру-инспекторлық және кадр жұмысы бөлімінің бас маманы;
2010 - 2011 ж.ж. - Қармақшы ауданы әкімі аппаратының ұйымдастыру-инспекторлық және кадр жұмысы бөлімінің бас инспекторы;
2011 - 2013 ж.ж. - Қармақшы ауданы әкімі аппаратының мемлекеттік құқықтық жұмыстар бөлімінің бас инспекторы;
2013 -2016 ж.ж. - Қармақшы ауданы әкімі аппаратының ұйымдастыру және иснпекторлық жұмыс бөлімінің бас инспекторы;
2016 – 2018 ж.ж. Қармақшы ауданы әкімі аппаратының терроризм профилактикасы, жұмылдыру дайындығы, азаматтық және аумақтық қорғаныс жұмыстары бөлімінің басшысы;
2018 жылдың қазан айынан бастап осы уақытқа дейін Қуаңдария ауылдық округі әкімі лауазымды қызметін абыроймен атқарып келді.
Жанұялы, 3 бала тәрбилеп отыр.
