Жаңа қызметке тағайындалды
Аудан әкімінің 2025 жылғы 14 қазанындағы өкімімен Қармақшы ауданы әкімі аппаратының басшысы лауазымына Сәтбаев Ермек Сәтбайұлы тағайындалды.
Ермек Сәтбайұлы 1985 жылы 28 тамызда Қармақшы ауданында дүниеге келген.
Алғаш еңбек жолын 2007 жылы «Қармақшы Жастары» жастар қоғамдық бірлестігінің маманы болып бастаған.
Одан кейінгі жылдары «Қайнар» спорт клубы қоғамдық бірлестігінің әдіскер – нұсқаушысы, Қармақшы аудандық ішкі саясат бөлімінің әлеуметтанушысы, Қармақшы ауданы әкімі аппаратының ұйымдастыру және инспекторлық жұмыс бөлімінің инспекторы, Қармақшы ауылдық округі әкімі аппаратының бас маманы, Қармақшы ауданы әкімі аппаратының кадр жұмысы бөлімінің бас маманы болып қызметін атқарған.
2020 жылдың 12 ақпанынан бастап бүгінгі күнге дейін аудан әкімі аппаратының ұйымдастыру және инспекторлық жұмыс бөлімінің бас инспекторы лауазымын абыроймен атқарып келді.
