Қармақшы ауданы әкімінің 2024 жылғы 31 шілдедегі өкімімен, 1 тамыздан бастап ауыстыру тәртібі негізінде аудан әкімі аппаратының ұйымдастыру және инспекторлық жұмыс бөлімінің басшысы лауазымына Шәпи Нұржан Арыстанұлы тағайындалды.

Нұржан Арыстанұлы — 1989 жылдың 18 тамызы күні Жосалы кентінде дүниеге келген. 2010 жылы “Болашақ” университетін мемлекеттік және жергілікті басқару мамандығы бойынша бітірген.

Алғаш еңбек жолын 2010 жылы аудан әкімі аппаратының ұйымдастыру-инспекторлық және кадр жұмысы бөлімінде дипломнан кейінгі жастар тәжірибесінен өтуден бастаған.

Одан кейінгі жылдары аудан әкімі аппаратының ұйымдастыру-инспекторлық және кадр жұмысы бөлімінің маманы, Төретам кенті әкімі аппаратының жетекші, бас маманы қызметтерін атқарған.
2016 жылдың 21 қыркүйегінен бастап бүгінгі күнге дейін аудан әкімі аппаратының ұйымдастыру және инспекторлық жұмыс бөлімінің бас инспекторы қызметін абыроймен атқарып келді.