Жаңа қызметке тағайындалды
Аудан әкімінің өкімімен аудан әкімі аппаратының ұйымдастыру және инспекторлық жұмыс бөлімінің басшысы лауазымына Бисембаев Дәуіржан Шыназбекұлы тағайындалды.
Дәуіржан Шыназбекұлы 1988 жылы Қармақшы ауданы, Жосалы кентінде дүниеге келген. 2010 жылы М.Әуезов атындағы Оңтүстік Қазақстан мемлекеттік университетінде «Қаржыгер» мамандығын тәмамдаған.
Алғаш еңбек жолын 2011 жылы Қармақшы аудандық санитарлық-эпидемиологиялық сараптама орталығының есепші-кассирі болып бастаған.
Одан кейінгі жылдары Қармақшы ауданы әкімі аппаратының инспекторы, Қармақшы ауданы әкімі аппаратының құжаттамалық қамтамасыз ету және бақылау бөлімінің бас маманы, Қармақшы ауданы әкімі аппаратының терроризм профилактикасы, жұмылдыру дайындығы, азаматтық және аумақтық қорғаныс жұмыстары бөлімінің бас маманы қызметтерімен атқарған.
2018 жылдан бастап, бүгінгі күнге дейін ауданы әкімі аппаратының терроризм профилактикасы, жұмылдыру дайындығы, азаматтық және аумақтық қорғаныс жұмыстары бөлімінің басшысы қызметін абыроймен атқарды.
