ЕЛ БОЛАШАҒЫ - САНАЛЫ ЖАСТАР ҚОЛЫНДА
Мемлекет басшысы Қасым-Жомарт Кемелұлы Тоқаев «Таза Қазақстан» экологиялық акциясы барысында “Jasyl El” жастар еңбек жасағының белсенділерімен кездескен болатын. Кездесу барысында Мемлекет басшысы қоғамдық жұмысқа белсене араласып, ел игілігі жолында еңбек етіп жүрген жастарға алғыс білдіріп, сәттілік тіледі.
Аталған жиынға біздің жерлесіміз, “Jasyl El” ұйымының белсенді мүшесі Нұрасыл Бекматов атқарылып жатқан жұмыстар жөнінде есеп берді. Ол өз сөзінде көгалдандыру мен абаттандыру бағытында атқарылған шараларды баяндап, алдағы жоспарлармен таныстырды.
Президент жастардың бұл еңбегінің маңыздылығын атап өтіп:
– Бұл – өте қажетті жұмыс. Еліміз бен халқымыз үшін керек іс. Сондықтан Сіздерге табыс тілеймін. Істеріңіз сәтті болсын. Ең алдымен ниетіміз таза болуы керек. Отанымыз үшін қызмет етуге тиіспіз. Jasyl El ұйымының жұмысын қолдаймын. Жұмыстарыңыз өзге жастарға өнеге, олар Сіздерден үлгі алады, – деді.
Жерлесіміздің ел Президентіне тікелей есеп беруі – ауданымыз үшін үлкен мәртебе. Алдағы уақытта да жастардың белсенділігі мен еңбегі ел дамуына сүбелі үлес қосады деп сенеміз!
