Маңызды үндеу болды

Президент Қасым-Жомарт Тоқаев «Ana tili» газетіне берген сұхбатында экология, жастардың рөлі, ұлттық идеология және еліміздің болашағына қатысты өзекті мәселелерді қозғады.

Сұхбат барысында Мемлекет басшысы «Таза Қазақстан» акциясының маңыздылығын ерекше атап өтіп, бұл бастаманың ел тұрғындары үшін экологиялық мәдениетті қалыптастырудағы рөлін жоғары бағалады. Сонымен қатар, Президент жастардың белсенді қатысуына ризашылық білдіріп, олардың экологиялық мәселелерді шешуде маңызды күш екенін айтты.

Мемлекет басшысы экологияны жақсарту бағытындағы нақты жұмыстарға тоқталып, әр азаматтың табиғатты қорғау ісіне жауапкершілікпен қарауы керектігін баса айтты. Президенттің айтуынша, «Таза Қазақстан» идеясы тек қана тазалық сақтау шарасы емес, ол ұлт болашағы үшін маңызды құндылықтарды насихаттайтын идеологиялық платформаға айналуы тиіс.

Президенттің бұл сұхбаты қоғамды экология мәселелерін шешуге жұмылдыруға және әр азаматты табиғатқа жанашырлықпен қарауға шақыруға бағытталған маңызды үндеу болды.