Елімізге белгілі ақтангер айтыскер, ақын, ұстаз, Қорқыт ата мемлекеттік уинверситетінің доценті  Серік Ыдырысов биыл 60 жасқа толып отыр.
Міне, тәуелсіз еліміздің өсіп-өркендеуі жолындағы өзінің еселі еңбегімен ел құрметіне бөленген  мерейгерді аудан әкімі Сұлтан Мақашов қабылдап, асқаралы 60 жасымен құттықтады. Сонымен бірге, туған жер әлеуетінің, оның ішінде Сыр мәдениетінің дамуына қосқан сүбелі үлесіне ерекшелеп, Құрмет грамотасымен марапаттады, ата-салт дәстүрімен иығына шапан жапты.
Шара барысында аудандық және Жосалы кенті ардагерлер кеңесінің төрағалары Қаршыға Есдәулетов пен Жақсыбай Жәкеев, мәдениет саласының ардагері Үрзахия Махамбетовалар мерейгерге жылы лебіздерін білдіріп, өнегелі өмір жолынан естеліктер айтса, сөз кезегінде Серік Махмутұлы осындай тағылымды іс-шараны ұйымдастырушыларға алғаусыз алғысын айтты.