МАЙДАНГЕРЛЕРДІ ҚҰТТЫҚТАДЫ
Бүгін аудан әкімі Сұлтан Мақашов 1941-1945 жылдарғы Ұлы Отан соғысының аяқталғанына 73 жыл толуына орай соғыс ардагерлері Қалмырза Жарманов пен Қуанышбай Бисембаевтардың отбастарында болып, майдангер әкелерімізді Ұлы Жеңіс күні мерекесімен құттықтады.
Елбасының сара саясатымен ел экономикасы мен халықтың, оның ішінде өңір тұрғындарының тұрмыс-тіршілігін нығайтуда атқарылып жатқан ілкімді істермен таныстырды.
Мерекелік шара барысында аудан әкімі ардагерлерге сый-құрмет көрсетіп, мерекелік жылы лебізін білдірді.
Сөз кезегінде майдангерлер осындай тағылымды іс шараны ұйымдастырушыларға алғаусыз алғыстарын айтып, баталарын берді.
Аудан әкімі Сұлтан Мақашовпен бірге майдангерлерді құттықтауға аудандық ардагерлер кеңесінің төрағасы Қаршыға Есдәулетов, аудан әкімінің орынбасары Мәжит Сәмитов, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Зере Метерова бірге болды.
Нұрбай ЖАНӘДІЛОВ.
