1941-1945 жылдарғы Ұлы Отан соғының аяқталғанына 73 жылдығы мерекесі аясында майдан даласында Отан үшін от кешкен және сол жылдары «Бәрі де жеңіс үшін, бәрі де майдан үшін» ұранымен туған жерді жаудан азат етуге кеткендердің орнын басып, егістік басында, зауыт-фабрикаларда күндіз-түні аянбай еңбек еткен бүгінгі тыл ардагерлерін құрметтеу мақсатында аудандық сот ұжымы соғыс және тыл ардагерлері Қуанышбай Бисембаев пен Кәмпит Шүленованың отбасында болды.
Аудандық соттың төрағасы Дархан Кентбаев пен судьялар Ермек Құтыбаев және Лаура Алибековалар ардагерлерді Ұлы Жеңіс мерекесімен құттықтап, сый-құрмет көрсетті. Сондай-ақ, сот жүйесінде атқарылып жатқан жұмыстармен таныстырды. Ауданда ел әлеуетін арттыруға арналған ілкімді істер жайында айтты.
Тағылымды шара барысында ардагерлер осындай бастаманы ұйымдастырушыларға баталарын беріп, ел мүддесі үшін істеп жатқан игі істеріне сәттілік тіледі.