АУДАН ӘКІМІ АУЫЛДЫҚ ОКРУГТЕРГЕ ЖҰМЫС САПАРЫМЕН БАРДЫ
Бүгін аудан әкімі Жандос Еркінбек облыс әкімінің тапсырмасына сәйкес Дауылкөл ауылдық округі аумағындағы «Жетіасар» мәдени-тарихи ескерткішіне барып, тарихи орынның қазіргі жағдайын көрді. Аудан басшысы ескерткіштің тазалығы мен сақталу деңгейіне назар аударып, абаттандыру, қорғау және кең көлемде насихаттау бағытында нақты жұмыстар жүргізілу керектігін тапсырды.
Мұнан кейін №518 пикет аумағына барып, егістік алқаптарына беріліп жатқан су көлемін бақылап, сала басшыларымен бірге су жеткізу жұмыстарын талқылады. Кездесуде аудан әкімі суармалы жерлерге су беру тиімділігі мен әділдігін қамтамасыз ету – ауыл шаруашылығының тұрақты дамуы мен әлеуметтік-экономикалық тұрақтылық үшін аса маңызды екендігі айтып, жауапты мамандарға ескертулер мен тапсырмалар жүктеді.
