Құрылыс жұмыстары – басты назарда

qarmaqshy-tany.kz Аудан әкімі Жандос Еркінбек Ақай ауылдық округі мен Төретам кентіне жұмыс сапарымен барды.

Алдымен, аудан басшысы Ақай ауылдық округіндегі табиғи газге қосу жұмыстарын тексерді. Тиісті сала басшысы мен ауыл әкіміне құрылыс жұмыстарының барлығы талапқа сәйкес, сапалы әрі мерзімінде орындалуын жіті бақылауды тапсырды.

Одан кейін осы ауылда құрылысы жүріп жатқан денешынықтыру-сауықтыру кешенінің жұмыстарын қадағалады.

Құрылыс басында жауапты мердігер мекеменің басшысымен кездесіп, халық игілігіне берілетін әлеуметтік нысанды уақытында, сапалы етіп пайдалануға беру жөнінде ұсыныстарын жеткізді.

Сонымен қатар, аудан әкімі Ақай ауылдық округімен іргелес жатқан Төретам кентін газдандыру жұмыстарымен танысып, кент әкімі мен сала басшыларына құрылыс жұмыстарын сапалы атқарылуын қадағалауда нақты міндеттер жүктеді.