Алдымен құрылысы жүріп жатқан Байқоңыр қаласындағы 5 қабатты тұрғын үйдің және Ақай ауылдық округіндегі дене шынықтыру-сауықтыру кешенінің құрылыс жұмысымен танысты.

Нысандарды аралау кезінде аудан басшысы құрылысқа жауапты мердігерлермен кездесіп, жұмыстарды сапалы және мерзімінде аяқтау жөнінде тапсырма берді.

Одан соң аудан әкімінің жұмыс сапары Төретам кентінде жалғасып, «Ауыл – ел бесігі» жобасы аясында өткен жылы күрделі жөндеуден өткен No85 орта мектептің жай-күйін бағамдады.

Оқу ордасы 600 оқушыға арналған, қазіргі таңда 2 ауысыммен 567 оқушы білім алуда. Мектеп ғимаратын аралау барысында аудан әкімі балалардың кедергісіз, жан-жақты білім алуы үшін барлық жағдай жасалу қажеттігін жеткізді.