ҚАРМАҚШЫ АУДАНЫ ӘКІМІ ӘЛЕУМЕТТІК НЫСАНДАРДЫ АРАЛАДЫ
Аудан әкімі Жандос Еркінбек бірқатар әлеуметтік нысандарды аралап, олардың қазіргі жай-күйімен танысты.
Аудан басшысы алдымен аудандық жастар ресурстық орталығының бос тұрған бұрыңғы ғимаратына барып, оның техникалық жағдайын қарап шықты. Нысанды қайта қалпына келтіру және тиімді пайдалану мәселесі қарастырылып, ғимаратты жөндеу жұмыстарын ұйымдастыру жөнінде тиісті сала басшыларына нақты тапсырмалар берілді.
Сонымен қатар, аудан әкімі аралау барысында әлеуметтік нысандардың инфрақұрылымдық жағдайына назар аударып, олардың сапалы әрі уақытылы жөндеуден өтуі қажеттігін атап өтті. Жауапты мекеме өкілдеріне нысандардың жай-күйін бақылауда ұстап, белгіленген жұмыстарды мерзімінде орындау жөнінде міндеттер жүктеді.
Сапар барысында аудан әкімі Жосалы кентіндегі бірқатар көшелерді аралап, тұрғындардың талап-тілектерін тыңдады. Халық көтерген мәселелерді назарға алып, олардың шешілуі үшін тиісті сала басшыларына нақты тапсырмалар берді.
