МАҚСАТТЫ МЕКТЕПТЕР ЖОБАСЫ АЯСЫНДА АТҚАРЫЛҒАН ЖҰМЫСТАР ПЫСЫҚТАЛДЫ
2025 жылдың 3-5 ақпан аралығында "Мақсатты мектептер" жобасы аясында атқарылып жатқан жұмыстарды көруге Қызылорда облысы бойынша Өрлеу АҚ филиалы Кәсіби даму институтының аға оқытушысы Есекеева Қарлығаш келді. Іс-сапар барысында №28, №106, №111 мектептерде қоғамдық-гуманитарлық бағыттағы пәндердің, бастауыш сыныптарда сабақтың берілуін бақылап әдістемелік көмек көрсетті.
Мектеп ұжымымен кездесіп қалыптастырушы, жиынтық бағалау, оқушылардың өзін-өзі және өзара бағалауы, қысқа мерзімді жоспардың құрылымы, оқыту мақсаттары мен құндылықтар жайлы түсіндірме жұмыстарын жүргізіп, мұғалімдердің сұрақтарына жауап берді. Осы іс-сапарда әдістемелік кабинет меңгерушісі Ш.Наукебаева курс, аттестация, кәсіби байқау жайлы түсіндірме жұмыстарын жүргізіп, әдістемелік кеңес берді.
