Ү.Томанов атындағы №183 орта мектепте «Ең үздік әдістемелік бірлестік-2021» байқауының қорытынды жұмыстары сараланып, нәтижесі анықталды. Байқауға мектеп бойынша 8 пән бірлестігі қатысты. Байқау барысында пән бірлестік мүшелері таныстырылым,перспективалық жоспар,озық идеялар бағытында түрлі шығармашылық жұмыстарын көрсетті. Комиссия мүшелері мұғалімдердің түрлі шығармашылық бағыттағы жұмыстарын көріп,оң баға берді. Байқау кезеңдерінде мектеп мұғалімдері өз тәжірибелерін ортаға салып, инновациялық әдіс-тәсілдермен бөлісті. Алдағы уақытта пән мұғалімдеріне жасаған жаңа жұмыстарын жинақтап, авторлық бағдарлама, әдістемелік нұсқаулық жасап тарату ұсыныстары айтылды.

Байқау қорытындысы бойынша:

«Бас жүлде»-Бастауыш сынып бірлестігі;

«І орын»- 1-Жаратылыстану пән бірлестігі;

«ІІ орын»-3-Орыс тілі мен ағылшын тілі, қазақ тілі мен әдебиеті, тарих және құқық пән бірлестіктері;

«ІІІ орын»-3- Өнер пән бірлестігі, Математика-информатика, және инклюзивті-психология орталығы иеленді.

«Бас жүлдеге»- «Ең үздік пән бірлестігі» кубогі берілді. Алдағы уақытта бұл байқау тұрақты өткізіліп,үздік жұмыс жасаған пән бірлестіктеріне кубок алмастыру шарасы ұсынылды.