АУДАН ОҚУШЫЛАРЫ РЕСПУБЛИКАЛЫҚ ПӘНДІК ОЛИМПИАДАҒА ҚАТЫСУДА

Қостанай қаласында үстіміздегі жылдың 25-30 наурыз аралығында қоғамдық-гуманитарлық бағыттағы пәндер бойынша республикалық олимпиада өткізілуде. Бұл қазақ тілі және әдебиеті, орыс тілі және әдебиеті, Қазақстан тарихы, құқық негіздері, ағылшын тілі, неміс тілі, француз тілі пәндерінен республика бойынша үздік деп танылған оқушылар арасындағы зияткерлік сайысқа Қармақшы ауданының делегациясын аудандық білім бөлімінің әдіскері Әбенова Тәжігүл бастап барды. Аталған республикалық олимпиадада аудан намысын төрт оқушы қорғайтын болады. Атап айтқанда қазақ тілі мен әдебиетінен №109 орта мектептің 11 сынып оқушысы А.Жайшылықұлы, қазақ тілінде оқытатын мектептегі қазақ тілі пәнінен №108 орта мектептен 10 сынып оқушысы Тен Надежда, қазақ тілінде оқытатын мектептегі орыс тілі пәнінен №272 орта мектептің 10 сынып оқушысы А.Ғалымжанова, Қазақстан тарихынан №26 орта мектептің 11 сынып оқушысы Ә.Қарабарақовтар қатысқан болатын. Республикалық пәндік олимпиаданың қорытындысы бойынша ауданымыздың 4 оқушысы жүлделі орын алды. Олар: қазақ тілінде оқытатын мектептегі орыс тілі пәнінен №272 орта мектептің 10 сынып оқушысы А.Ғалымжанова мен қазақ тілінде оқытатын мектептегі қазақ тілі пәнінен №108 орта мектептен 10 сынып оқушысы Тен Надеждалар ІІІ, Қазақстан тарихынан №26 орта мектептің 11 сынып оқушысы Ә.Қарабарақов ІІ орын алды.