ЖҮЙРІКТЕН ЖҮЙРІК ОЗАР ЖАРЫСҚАНДА
Қаңтар айында Қызылорда қаласындағы №264 білім ошағында жалпы білім беретін пәндер бойынша республикалық олимпиаданың ІІІ кезеңі өтті. Осы дүбірлі сынға ІІІ Интернационал ауылындағы №108 орта мектебінен 3 оқушы қатысты. Сыннан 2 оқушы суырылып, алға шықты. География пәні бойынша 10-сынып оқушысы Арай Мұстафа І орынды иеленсе, орыс сыныбындағы қазақ тілі пәні бойынша 10-сынып оқушысы Надежда Тен ІІ орынды иеленді.
Оқушылар бабының келісті болуына ұстаздарының еңбегі зор. География пәнінің жоғары санатты мұғалімі Дильфура Байрахтарова мен қазақ тілі мен әдебиеті пәнінің І санатты мұғалімі Гүлмира Байқазақоваға алдағы күндерде шығармашылық табыс тілейміз.
ІІІ Интернационал ауылы.
