БІЛІМДІГЕ ДҮНИЕ ЖАРЫҚ
Ел бірлігін сақтаған Елбасымыздың көп ұлтты мемлекетті бір ту астына жиып, ынтымағын жарастырып отырғанын мақтанышпен айтуымыз керек. Қазіргі жаһандану заманында қоғамымыз, яғни білім саласы жаңартылған жүйеге бағыт алуда. Осының нәтижесінде республикалық, облыстық, аудандық олимпиадалар, өзге ұлт өкілдеріне арналған әртүрлі ғылыми жобалар, мәнерлеп оқу сынды сайыстар жиі өткізіліп тұрады. Қазақ тілін жетік меңгеріп, қазақ жерін жатсынбайтын перзенттер – нағыз мақтаныштарымыз. Жақында қазақ тілінен «Тіл – мемлекет тәуелсіздігінің символы» атты ХІІ Республикалық қашықтықтан өткізілген олимпиадаға №250 мектеп–лицейінің оқушысы Борис Хамов қатысқан еді. Өз білімінің нәтижесінде жүлделі екінші орынды иеленді.
Шәкірттерге сапалы білім беру мен ғылым жолына шыңдауда мектептің қазақ тілі мен әдебиеті пәнінің мұғалімі, Бористің жетекшісі Жанар Дастанқызының да еңбегі өте зор.
«Білімдіге дүние жарық» демекші, оқушыларға білім нәрін себетін ұстаздар мен дүниені жарық етер ұрпақтарымыз барда, болашағымыз жарқын боларына сеніміміз мол.
Ақерке КЕНЕБАЕВА,
№250 мектеп-лицей мұғалімі
