Жүрекке жол тапқан Жолдау

2018 жылдың 16 қаңтар күні №79 орта мектеп базасында Қазақстан Республикасының Президенті Н.Ә.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауын ілгерілетуге арналған жиын өткізілді.

Мектептің əлеуметтік педагогы, қазақ тілі пəнінің мұғалімі Н.Ахметов, биылғы Жолдауда айрықша айтылған бағыт - Қазақстанның болашағы – үш тілді еркін меңгерудің қазақ тілін халықаралық деңгейге жақындату үшін латын әліпбиіне көшудің қажеттілігі болжампаздық бағдаршамы. Сыр өңірінің әрбір еңбеккері, Елбасы Жолдауындағы алда тұрған он міндетті жүзеге асыруға атсалысуды басты парызға айналдыруға тиіс. Бұл биік белестерге жеткізері ақиқат,-деп өз пікірін білдірді.

Елбасы жыл сайынғы Жолдауларында ғылым мен инновацияға ерекше көңіл бөледі. Биылғы Жолдаудың бір ерекшелігі ақылды қалалар болып табылады. Онда «Ақылды қалалар» өңірлік дамудың инновацияны таратудың және еліміздің барлық аумағында тұрмыс сапасын арттырудың локомативтеріне айналады» деп көрсетілген. Сонымен қатар, Жолдауда «Цифрлық Қазақстан» бағдарламасын жүзеге асырудың маңыздылығына тоқталды. Халыққа арналған жаңа Жолдау жанымызды да, жадымызды да жаңғыртып, өркениет өрінің тағы бір белесіне алып шығар баспалдақ болмақ.