Елбасы 2025 жылға дейін латын әліпбиіне көшудің нақты кестесін жасау қажеттігін айтты
«Латын әліпбиіне көшу жөн-жосықсыз аудармаларды болдырмайды», – деді Елбасы.
Білім беру саласына тоқталған Президент 2025 жылға дейін латын әліпбиіне көшудің нақты кестесін жасау қажеттігін айтты. Соңғы жылдары әлемде қалыптасқан 7 мың термин қазақ тіліне аударылған. Алайда аудармаларды негіздеу тәсілдерін қайта қарастырып, терминология тұрғысынан қазақ тілін халықаралық деңгейге жақындату керектігі айтылды.
2016 жылдан бері жаңартылған бағдарлама бойынша орыс тілі қазақ мектептерінде 1-сыныптан бастап оқытылып келеді. «Келер жылдан 10-11-сыныптардағы жаратылыстану ғылымының жекелеген пәндерін оқыту ағылшын тіліне көшіріледі», – деді Елбасы.
