"Сардарлар" сынға түсті
Қармақшы аудандық білім бөлімінің ұйымдастыруымен Жосалы кентіндегі №250 мектеп-лицейінің базасында 11- сынып оқушылары арасында "Сардар" V Республикалық кешенді олимпиадасының аудандық кезеңі өткізілді. Оқушылар физика, математика, қазақ тілі және алғашқы әскери даярлық пәндерінен тест тапсырып, АК-74 оқу қаруын толық емес бөлшектеу және жинақтау, белтемірде тартылу, 100 метрге жүгіруден өзара сайысты. Нәтижесінде І орынды №272 орта мектептің оқушысы Р.Шаймерденов, ІІ орынды №80 мектеп-гимназияның оқушысы Р.Еңсепов, ІІІ орынды №105 мектеп-лицейдің оқушысы Н.Сәдуовтер иеленді.
