Қармақшы ауданының 90 жылдық мерейтойына байланысты «90 жылдыққа – 90 игі іс-шара» аясында Көшеней Рүстембеков атындағы «Жыраулар үйінің» ұйымдастыруымен «Кемел жігіт көш бастар» тақырыбында аудандық жігіттер байқауы болып өтті. Аудандық байқаудың мақсаты- ата-баба дәстүр - салтымызды насихаттау арқылы, келешек ұрпаққа дәріптеу. Қазақтың ұлттық құндылықтарын қайта жаңғыртумен бірге жас таланттарды анықтау болып табылады.

Байқау барысында ауданның 16 мен 25 жас аралығындағы белсенді қатысқан жас жігіттері ұлттық құндылықтарды жоғары ұстанатын, өз өнерлерімен сахналық деңгейдегі мәдениетінің жоғары екендігін көрсете білді. «Кемел жігіт көш бастар» тақырыбында өткізілген байқауға аудандық мәслихат депутаты Раева Күлжауһар мен ақын Нәзікбаев Дастан сөз сөйлеп байқауға белсенділікпен қатысқан жас жігіттерге пікірлерін білдірді. Бірнеше кезеңдерден тұрған байқауда қазылар алқасының шешімімен 1 орынды Сабырбек Сәкен №186 мектеп оқушысы, 2 орынды Ильясов Ақтілек №279 мектептің оқушысы, 3 орынды Дәрібаев Талғат №30 мектептің оқушысы иеленді.

Арнайы жүлдемен аудандық «Жастар ресурстық орталығы» КММ-сі мен «Нұр Отан» Партиясы Қармақшы аудандық филиалының «Жас Отан» ЖҚ тағайындаған «Көрермен көзайымы» номинациясымен №121 орта мектептің жас маманы Қалиев Нұрсұлтан марапатталып қорытындыланды.