"Қорқыт" поэмасынан поэтикалық эстафета

Аудандық балалар кітапханасында Елбасы Н.Назарбаевтың "Болашаққа бағдар;рухани жаңғыру" мақаласы аясында және Қармақшы ауданының 90 жылдығына орай жергілікті ақын Әлімбай Әлиасқаровтың 110 жылдығына "Сырдан шыққан шежіреші ақын Әлімбай Әлиасқаров" атты "Қорқыт" поэмасынан поэтикалық эстафета болып өтті. Поэтикалық эстафетаның мақсаты - туған жердің төл тарихы мен өнерін, мәдениетін тану, оны өскелең ұрпаққа насихаттау. Ақын - жазушылар мен оқырмандар арқылы байланыс орнату. Поэтикалық эстафетаға аудандық тілдерді дамыту бөлімінің бас маманы Е.Ерсұлтанов, кітапхана қызметкері І.Боқтыбаев және кітапхана оқырмандары қатысты. Сонымен бірге №105 мектеп-лицей мұғалімі Т.Сарсенова, кітапханашысы А.Бисенбаева және 7 сынып оқушылары ақынның өлеңдерін және "Қорқыт" поэмасын оқыды. Кешке қатысқан қонақтар өз пікірлерін білдірді. Ардагер С.Керуенов, ұстаз-ардагер оқырманымыз Ұ.Ақшолақова, кітапхана қызметкері І.Боқтыбаев және кітапхана әдіскері Г.Раева өз пікірлерін ортаға салды.

Орталықтандырылған кітапханалар жүйесінің директоры Г.Қаниева поэтикалық эстафетаны қорытындылап, қатысқан оқушыларды алғыс хатпен марапаттады.