Болашаққа бағдар: рухани жаңғыру

Қармақшы аудандық білім бөлімі, Елбасы Н.Назарбаевтің «Болашаққа бағдар: рухани жаңғыру» атты мақаласын насихаттау, оны іске асыру және оқушылардың Отанын сүйетін, халқын құрметтейтін патриот болуға, өз елінің тарихын білуге деген қызығушылығын арттыру, ұлттық рухты сіңіру, жан-жақты тәрбие беру арқылы тұлға қалыптастыру мақсатында «Рухани жаңғыру өзіңнен басталады» тақырыбында білім беру мекемелерінде апталық ұйымдастырылып, іс шараға 7780 оқушы, 520 мұғалімдер қатыстырылды. Оқушыларды туған жерін, елін, рәміздерін қорғауға, сақтауға құрметтеуге тәрбиелеу мақсатында бастауыш сыныптар арасында «Менің Отаным Қазақстан» тақырыбында танымдық сағат өткізілді. «Тәрбие отбасынан» тақырыбында фотосурет көрмесі болып өтті. Н.Назарбаевтың «Болашаққа бағдар: рухани жаңғыру» атты мақаласы аясында 8-11-сынып оқушылары арасында «Тәуелсіздікті ту еткен жастармыз» тақырыбында КТА сайысы болып өтті. Рухани жаңғыру мақсатындағы жұмыстар жүргізіле бермек.