"Қысқа мерзімді жоспар - мұғалімнің жол картасы"

№27 орта мектеп базасында әдістемелік кабинет әдіскері М.Аяшованың ұйымдастыруымен күзгі демалыс уақытында пән мұғалімдеріне әдістемелік көмек беру мақсатында «Көркем еңбек» пәнінің мұғалімдерімен «Қысқа мерзімді жоспар - мұғалімнің жол картасы» тақырыбында әдістемелік отырыс өтті.

Әдістемелік отырыста жоғары санатты тәжірибелі пән мұғалімдері №30 мектептен Мұнарбаева Айнұр, №105 мектеп-лицейден Прназаров Дауиржан, №277 мектептен Абдразақова Жанар, №85 мектептен Төлегенова Жаңагүл сабақты жоспарлаудың қыр-сыры, жаңа әдіс-тәсілдермен бөлісті.

Әдістемелік отырысқа қатысқан пән мұғалімдері қысқа мерзімді жоспар жасауда әртүрлі әдіс-тәсілдермен бірге оқу мақсаттарына қарай бағалау түрлерімен танысты.

Алдағы уақытта пән мұғалімдеріне әдістемелік көмек көрсетуге бағытталған жұмыс түрлері жоспарланды.