Қармақшы аудандық білім бөлімінің басшысы Г.Абдазиеваның басқаруымен білім саласының өзекті мәселелері бойынша кезекті кеңейтілген алқа отырысы өтті.

Кеңейтілген отырысқа аудандық білім бөлімінің қызметкерлері, білім беру ұйымдарының басшылары қатысты.

Күн тәртібінде білім беру ұйымдарындағы ҰБТ-ге және «Алтын белгіге» үміткерлердің дайындық жұмыстарының жүргізілу барысы, халықаралық зерттеулерге түсетін мектептердің дайындығы және №277 мектеп – лицейінде «Цифрлық ұстаз» жобасы бойынша жүргізілген жұмыстар есебі мен ағымдағы мәселелер тыңдалды.

Білім бөлімі басшысы Г.Абдазиева күн тәртібіндегі көтерілген мәселелерге арнайы тоқталып, жүргізілген жұмыстарға өзіндік талдау жасап, жан-жақты талқылады.

Мәжілісте ұсыныс ретінде айтылған мәселелерге шешім шығарып, білім беру ұйымдарының басшыларына басты назарға алуға тиісті тапсырмаларын жүктеді.