БІЛІМ БЕРУ ҰЙЫМДАРЫНЫҢ САЛА ҚЫЗМЕТКЕРЛЕРІ МАРАПАТ БИІГІНДЕ
Қармақшы аудандық білім бөлімі мен Білім және ғылым қызметкерлері кәсіподақ комитетінің ұйымдастыруымен өткен
«5 қазан - Ұстаздар күні» қарсаңында бірқатар білім беру ұйымдарының сала қызметкерлері мен ардагерлері ауданымыздың бас ұстазы Абдазиева Гульзира Мажитқызының жеке қабылдауында болып, марапат төрінен көрінді.
Шара барысында Гульзира Мажитқызы жауапкершілік жүгі ауыр, машақаты мен шапағаты мол саланың көшін ілгері жылжытып, жастардың білім көкжиегін кеңейтуде еселі еңбек етіп, саланың дамуына сүбелі үлес қосқан бірқатар ұстаздар қауымын Оқу ағарту министрінің Құрмет грамотасы мен Алғыс хаты, облыстық білім басқармасының Құрмет грамоталары мен Алғыс хаттары, аудандық білім бөлімінің алғыс хаты, ҚР Оқу ағарту министрлігі салалық кәсіподақ ұйымының құрмет грамотасы, облыстық және аудандық кәсіподақ ұйымының алғыс хаттарымен марапаттады.
